У нядзелю да +38°С. Калі Беларусь пакіне трапічная спёка

12 лiпеня 2024 у 1720778820
«Зеркало»

Трапічнае паветра з Афрыкі працягне павышаць тэмпературу, пік спёкі чакаецца ў выходныя. У аўторак, 16 ліпеня, яна спадзе да +24…+31°С. Пра гэта паведамляе Белгідрамет Мінпрыроды.

Ілюстрацыйны здымак. Фота: TUT.BY

«Ночы стануць вельмі цёплымі і душнымі - +17… 24 °C. Днём паветра па краіне прагрэецца да +30…+34°С градусаў, а ў паўднёвых раёнах слупкі тэрмометраў будуць пераадольваць адзнакі ў +35…+37°С. У нядзелю па паўднёвым усходзе ёсць імавернасць, што пік тэмпературы дасягне +38°С. І толькі месцамі тэмпература паветра складзе +25…29°С»,-расказалі сіноптыкі.

У суботу, 13 ліпеня, месцамі па краіне прагназуюцца дажджы, прагрымяць навальніцы. Ноччу і раніцай месцамі згусціцца слабы туман. Тэмпература паветра ўначы падымецца да +17…+23°С, а ўдзень - да +32…+37°С. На поўначы месцамі будзе +29…+31°С.

У нядзелю, 14 ліпеня, ноччу месцамі, а днём на большай частцы тэрыторыі краіны чакаюцца кароткачасовыя дажджы. Месцамі навальніцы і ўзмацненне ветру парывамі 15−20 м/с. Тэмпература паветра ўначы дасягне +18…+24°С, а ўдзень будзе ў межах ад 25 градусаў на паўночным захадзе да 38 градусаў на паўднёвым усходзе.

Гарачае надвор'е захаваецца і ў панядзелак. Паводле папярэдняга прагнозу, дыхаць стане лягчэй з аўторка, калі дзённыя максімумы будуць у межах 24−31 градуса.

У панядзелак, 15 ліпеня, ноччу на большай частцы тэрыторыі, а днём месцамі пройдуць кароткачасовыя дажджы. У асобных раёнах навальніцы. У начныя і ранішнія гадзіны месцамі слабы туман. Ноччу слупкі тэрмометраў пакажуць +16…+23°С, днём - ад 25 градусаў на паўночным захадзе да 36 градусаў на паўднёвым усходзе.

У аўторак, 16 ліпеня, пераважна без ападкаў, толькі ўначы ў асобных раёнах на ўсходзе рэспублікі прагназуюцца кароткачасовыя дажджы, магчымыя навальніцы. У начныя і ранішнія гадзіны месцамі згусціцца слабы туман. Уначы будзе +12…+19°С, удзень - +24…+31°С.

У сераду, 17 ліпеня, ноччу пераважна без ападкаў, днём месцамі па краіне пройдуць кароткачасовыя дажджы, прагрымяць навальніцы. Ноччу і раніцай у асобных раёнах слабы туман. Сіноптыкі абяцаюць ноччу +12…+19°С, днём - +24…+30°С, а на поўдні - да +32°С.