У Варшаве проста на чыгунцы затрымалі 42-гадовага беларуса. Яго заспелі з доказамі злачынства падчас спробы скрасці кабель і разабраць абсталяванне для абагравання стрэлачных пераводаў, піша www.nakolei.pl.
Паводле выдання, інцыдэнт адбыўся на мінулым тыдні. У варшаўскі рэгіянальны штаб Аховы чыгунак паведамілі пра тое, што на перагоне Варшава ўсходняя — Варшаўскі стадыён на чыгуначных рэйках знаходзіцца старонні чалавек.
Сілавікі, якія адправіліся на выклік, знайшлі там мужчыну. Ён паспрабаваў уцячы, але неўзабаве быў затрыманы.
Аказалася, што гэта 42-гадовы грамадзянін Беларусі — яшчэ да прыбыцця патруля ён паспеў падрыхтавацца да крадзяжу прыкладна пяці метраў кабеля і разабраў тры медныя электраўстаноўкі для абагравання стрэлачных пераводаў.
На месца здарэння выклікалі паліцэйскіх — ім і перадалі беларуса для далейшага разбору.