Міжнародны алімпійскі камітэт на паседжанні выканкама ў Лазане прыняў рашэнне аддаць Францыі замест Вялікабрытаніі адзін срэбны медаль.
Вынік перагледзелі ў мужчынскай велагонцы на 25 км. Срэбра тады заваяваў брытанец Лойд Хільдэбранд. Але нядаўняе даследаванне паказала, што, нягледзячы на грамадзянства Вялікабрытаніі, спартовец нарадзіўся і вырас у Францыі, а таксама выступаў за французскі клуб да і пасля Гульняў 1900 года. Таму МАК і прысудзіў ўзнагароду французам. Адпаведныя змены будуць унесеныя ў статыстычныя даведнікі і базы звестак.
«Тады было нормай, як і для некалькіх пазнейшых Алімпійскіх гульняў, што спартоўцам трэба было толькі даслаць нумар сваёй ліцэнзіі, зацверджанай нацыянальнай федэрацыяй, ад якой яны рэгулярна ўдзельнічалі ў спаборніцтвах, і аплаціць уступныя ўнёскі для ўдзелу ў гульнях. Нацыянальныя алімпійскія камітэты не былі ўцягнутыя ў гэты працэс, як сёння», — сказана на сайце МАК.
Адзначым, што АГ у 1900 годзе праходзілі ў Парыжы — там адбудзецца і цяперашняя летняя Алімпіяда. Золата ў велагонцы на 25 км выйграў француз Луі Басцьен.
