У Міністэрстве па падатках і зборах расказалі пра асаблівасці падчас налічэння падаткаў тым, хто працуе на зборы на прафесійны даход. У ведамстве растлумачылі, чаму ў спецыяльнай праграме па гэтым падатку адразу не адлюстроўваюцца льготы, а відаць поўная сума збору.
Нагадаем, у Беларусі з 2023 года ўвялі новы падатак — на прафесійны даход. Для тых, хто працуе з фізічнымі асобамі, ён складзе 10%. Такая ж стаўка для тых, хто працуе з юрасобамі, але да пэўнага памеру выручкі (60 тысяч рублёў), а пасля гэтага парога падатковы збор будзе ў два разы вышэйшы — 20%. Для працы на гэтым падатку трэба паставіць спецыяльную праграму на дэвайсы. Пры гэтым для некаторых платнікаў гэтага збору прадугледжаныя льготы. Да прыкладу, для пенсіянераў — стаўка падатку для іх складае 4% замест 10.
У МПЗ удакладняюць, што ў праграме «Падатак на прафесійны даход» папярэдні разлік гэтага збору не ўлічвае льгот і карэкціровак. У ведамстве тлумачаць, што падатак папярэдне ў аўтаматычным рэжыме разлічваецца па стаўцы 10% па ўсіх створаных у праграме чэках.
«Не пазней за 10-ы дзень месяца, які ідзе за мінулым падатковым перыядам, падатковы орган робіць падлік падатку на прафесійны даход з улікам усіх ільгот (пры іх наяўнасці) і карэкціровак, пра што паведаміць платніку праз праграму», — удакладняюць у МПЗ.
Чытайце таксама
