Ва ўзросце 49 гадоў памёр былы начальнік аддзела па барацьбе з эканамічнымі злачынствамі Цэнтральнага РУУС Мінска Дзмітрый Сёмкаў. Яго некралог апублікавала ў нумары за 14 сакавіка міліцэйская газета «На страже».
У публікацыі прычына смерці не называецца.
«На 50-м годзе перастала біцца сэрца падпалкоўніка міліцыі ў запасе Сёмкава Дзмітрыя Георгіевіча», — гаворыцца ў некралогу.
У сакавіку 2017 года Дзмітрый Сёмкаў на пасадзе начальніка АБЭЗ даў інтэрв'ю з нагоды 100 гадоў з дня ўтварэння беларускай міліцыі і 80 — з дня ўтварэння службы па барацьбе з эканамічнымі злачынствамі.
«Для мяне і для супрацоўнікаў даручанага мне падраздзялення дадзеныя юбілеі з’яўляюцца самымі значнымі прафесійнымі святамі», — казаў Сёмкаў.