Пілот перамешчанага ва Украіну расійскага верталёта Мі-8 Максім Кузьмінаў атрымае ўзнагароду — 500 тысяч даляраў у грыўневым эквіваленце. Пра гэта паведаміў у эфіры нацыянальнага тэлемарафона прадстаўнік Галоўнага ўпраўлення разведкі Мінабароны Украіны Андрэй Юсаў, піша «Украінская праўда».
Спікер адзначыў, што ў краіне дзейнічае закон аб кампенсацыі ў выпадку, калі чалавек пераходзіць на бок Украіны разам з тэхнікай.
— Украіна — дэмакратычная прававая дзяржава, мы і ўласныя абавязанні выконваем і міжнароднага права (прытрымліваемся). Таму яшчэ раз: тыя расіяне, якія не хочуць станавіцца ваеннымі злачынцамі, калі ласка, здавайцеся, пераходзіце на ўкраінскі бок і абараняйце ўжо ўласны гонар і сумленне, змагайцеся супраць пуцінскага рэжыму, — сказаў Юсаў.
Нагадаем, 23 жніўня ў СМІ з’явілася інфармацыя, што расійскі Мі-8 прызямліўся на ўкраінскай вайсковай базе.
Ва ўкраінскай разведцы заявілі, што гэта была спецаперацыя — расійскі пілот добраахвотна перагнаў верталёт, перад гэтым ягоную сям’ю непрыкметна вывезлі з Расіі.
На прэс-канферэнцыі 5 верасня Максім Кузьмінаў расказаў, што ўгаворваў іншых чальцоў экіпажа верталёта здацца разам з ім украінскаму боку, але яны спалохаліся, пачалі паводзіць сябе агрэсіўна і пасля пасадкі пабеглі ў бок расійскай мяжы. Іх далейшы лёс яму невядомы. Раней «Украінская праўда» паведамляла, што яны былі ліквідаваныя падчас аперацыі.
Чытайце таксама
